Chapter 3: رباعیات · انتخابِ کلامِ حالی · E-reader mode

اے وقت بگاڑ کا ہے سب کے چارہپر تجھ سے بگڑنے کا نہیں ہے یاراہو جائے گر ایک تو ہمارا ساتھیپھر غم نہیں پھر جائے زمانہ سارا

کانٹا ہے ہر اک جگر میں اٹکا تیراحلقہ ہے ہر اک گوش میں لٹکا تیرامانا نہیں جس نے تجھ کو جانا ہے ضروربھٹکے ہوئے دل میں بھی ہے کھٹکا تیرا

حالیؔ کو جو کل فسردہ خاطر پایاپوچھا باعث تو ہنس کے یہ فرمایارکھو نہ اب اگلی صحبتوں کی امیدوہ وقت گئے اب اور موسم آیا

مصروف جو یوں وظیفہ خوانی میں ہیں آپخیر اپنی سمجھتے بے زبانی میں ہیں آپبولیں کچھ منہ سے یا نہ بولیں حضرتمعلوم ہے ہم کو جتنے پانی میں ہیں آپ

فتنہ کو جہاں تلک ہو دیجے تسکیںزہر اگلے کوئی تو کیجے باتیں شیریںغصہ غصے کو اور بھڑکاتا ہےاس عارضہ کا علاج بالمثل نہیں

دھونے کی ہے اے رفارمر جا باقیکپڑے پہ ہے جب تلک کہ دھبا باقی ہےدھو شوق سے دھبے کو پہ اتنا نہ رگڑدھبا رہے کپڑے پہ نہ کپڑا باقی

زہاد کو تو نے محو تمجید کیاعشاق کو مست لذت دید کیاطاعت میں رہا نہ حق کی ساجھی کوئیتوحید کو تو نے آ کے توحید کیا

حق بول کے اہل شر سے اڑنا نہ کہیںبھڑکے گی مدافعت سے اور آتش کیںگر چاہتے ہو کہ چپ رہیں اہل خلافجز ترک خلاف کوئی تدبیر نہیں

پوچھا جو کل انجام ترقیٔ بشریاروں سے کہا پیر مغاں نے ہنس کرباقی نہ رہے گا کوئی انسان میں عیبہو جائیں گے چھل چھلا کے سب عیب و ہنر

اب ضعف کے پنجہ سے نکلنا معلومپیری کا جوانی سے بدلنا معلومکھوئی ہے وہ چیز جس کا پانا ہے محالآتا ہے وہ وقت جس کا ٹلنا معلوم

حالیؔ رہ راست جو کہ چلتے ہیں سداخطرہ انہیں گرگ کا نہ ڈر شیروں کالیکن ان بھیڑیوں سے واجب ہے حذربھیڑوں کے لباس میں ہیں جو جلوہ نما

جب مایوسی دلوں پہ چھا جاتی ہےدشمن سے بھی نام تیرا جپواتی ہےممکن ہے کہ سکھ میں بھول جائیں اطفاللیکن انہیں دکھ میں ماں ہی یاد آتی ہے

اے عشق کیا تو نے گھرانوں کو تباہپیروں کو خرف اور جوانوں کو تباہدیکھا ہے سدا سلامتی میں تیریقوموں کو ذلیل خاندانوں کو تباہ

بس بس کے ہزاروں گھر اجڑ جاتے ہیںگڑ گڑ کے علم لاکھوں اکھڑ جاتے ہیںآج اس کی ہے نوبت تو کل اس کی باریبن بن کے یونہی کھیل بگڑ جاتے ہیں

اک مرد توانا کو جو سائل پایاکی میں نے ملامت اور بہت شرمایابولا کہ ہے اس کا ان کی گردن پہ وبالدے دے کے جنہوں نے مانگنا سکھلایا

اے عیش و طرب تو نے جہاں راج کیاسلطاں کو گدا غنی کو محتاج کیاویراں کیا تو نے نینواؔ اور بابلؔبغداد کو 'قرطبہ' کو تاراج کیا

آبا کو زمین و ملک پر اطمیناناولاد کو سستی یہ قناعت کا گمانبچے آوارہ اور بے کار جوانہیں ایسے گھرانے کوئی دن کے مہمان

ہیں جہل میں سب عالم و جاہل ہمسرآتا نہیں فرق اس کے سوا ان میں نظرعالم کو ہے علم اپنی نادانی کاجاہل کو نہیں جہل کی کچھ اپنے خبر